Rzayeva Gülnarə Namik qızı 1960-cı il aprelin 9-da  Bakı şəhərində anadan olmuşdur.
1977-ci ildə S.M.Kirov adına Azərbaycan Dövlət Uinversitetinin (indiki Bakı Dövlət Univеrsitеti) filologiya fakültəsinə daxil olmuş,
1982-ci ildə həmin universiteti  bitirmişdir.

1983-ildən D. Bünyadzadə adına Azərbaycan Xalq Təsərrüfatı İnstitutunun (indiki Azərbaycan Dövlət İqtisad Univеrsitеti)  “Rus dili” kafedrasında fəaliyyətə başlamış müəllim, bаş müəllim vəzifələrində çalışmışdır. 2008-ci ildən “Rus dili” kafedrasının müdiri vəzifəsində çalışıb.

2008-ci ildə namizədlik dissertasiyasını  müdafiə edərək Filologiya  üzrə fəlsəfə doktoru elmi dərəcəsini, 2013-cü ildə isə dosent elmi adını almışdır.
03.02.2020-ci il tarixdən UNEC-in Ümumi fənlərin tədrisinin təşkili departamentinin direktoru vəzifəsinə keçirilib.
UNEC-in “Karyera planlaşdırılması və inkişafı” kafedrasının (0.5 ştat) dosentidir.

Rusiya, Türkiyə, ABŞ, Tailand və digər ölkələrin nüfuzlu jurnallarında elmi məqalələri çap olunmuş, respublika və beynəlxalq elmi-praktik konfranslarda məruzələrlə çıxış etmişdir.
70-dən artıq  elmi məqalə, 6 dərslik, 22 dərs vəsaiti, 7  fənn proqramının müəllifidir.

AR Təhsil Nazirliyinin Fəxri Fərmanı, Beynəlxalq elmi konfranslarda fəal iştirakına görə Təşəkkürnamə ilə təltif edilmişdir.
Azərbaycan Respublikası Prezidentinin 24 sentyabr 2020-ci il Sərəncamına əsasən Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Əməkdar müəllim” fəxri adına layiq görülmüşdür.

Ailəlidir, iki övladı var.