Hüseynova Alidə Teymur qızı 1 yanvar 1978-ci ildə Gürcustan Respublikasının Dmanisi rayonunda anadan olmuşdur.
2001-ci ildə Azərbaycan Dövlət İqtisad Universitetini “Maliyyə-kredit” ixtisası üzrə bakalavr səviyyəsini, 2003-ci ildə sözügedən ixtisas üzrə isə magistraturanı fərqlənmə diplomu ilə bitirmişdir.

2002-ci ildən həmin universitetdə 0,5 ştat laborant vəzifəsində əmək fəaliyyətinə başlamışdır.
2003- ildən “Bank işi”  kafedrasında saathesabı müəllim vəzifəsində çalışmışdır. Həmin ildə Azərbaycan Dövlət İqtisad Universitetinin “Bank işi” kafedrasında dissertant təsdiq edilmişdir. «Устойчивость коммерческих банков и пути ее повышения в Азербайджанской Республике» mövzusunda dissertasiya işini başa çatdırmışdır.

27 dekabr 2013-cü il tarixində iqtisad üzrə fəlsəfə doktoru elmi dərəcəsi almaq üçün müdafiə etmişdir.
Azərbaycan Respublikasının Prezidenti Yanında Ali Attestasiya Komissiyasının qərarı ilə 10 fevral 2015-ci il tarixində iqtisad üzrə  fəlsəfə  doktoru elmi dərəcəsinə layiq görülmüşdür.

2014-ci ildən rektorun əmri ilə “Bank işi” kafedrasının 0,5 ştat müəllim vəzifəsinə təyin edilmişdir.
 2015-ci ildən “Maliyyə və maliyyə institutları” kafedrasında 1 ştat müəllim vəzifəsində çalışır.
18 mart 2018-ci ildə rektorun əmri ilə baş müəllim vəzifəsinə təyin olunmuşdur.
20 aprel 2022-ci il tarixdən “Maliyyə və audit” kafedrasının dosent vəzifəsinə keçirilib.

36 elmi əsərlərin, o cümlədən azərbaycan dilində bir dərs vəsaitinin  və 2 tədris proqramının həmmüəllifi və müəllifidir, onlardan 6 məqalə impakt-faktoru olan jurnallarda nəşr edilib (2 məqalə Web of Science bazasında və 4 məqalə Scopus bazasında) dərc olunub.

Ailəlidir. Üc övladı var