Bağırov Mübariz Məmmədhüseyn oğlu 1961-ci il avqustun 11-də anadan olub.
1968-1978-ci illərdə orta məktəbdə təhsil alıb.
1978-ci ildə Azərbaycan Xalq Təsərrüfatı İnstitutunun (indiki Azərbaycan Dövlət İqtisad Universiteti) Uçot-iqtisad fakültəsinə daxil olub. 1985-ci ildə həmin institutu bitirib.

1981-1982-ci illərdə ordu sıralarında xidmət edib.
1986-1990-cı illərdə İqtisad Universitetinin aspiranturasında oxuyub.
1993-cu ildə Moskva Dövdət Universitetində namizədlik dissertasiyasını müdafiə edərək iqtisad elmləri namizədi elmi dərəcəsi alıb.
1995-1997-ci illərdə Sankt-Peterburq Dövlət Maliyyə-İqtisad Universiteitnin doktoranturasında təhsil alıb, 1997-ci ildə dissertasiya işini müdafiə edərək elmlər doktoru adı alıb.

1978-ci ildə Bakı şəhərində 2 №-li evtikmə kombinatında, 1993-cü ilə kimi fəhlə, mühəndis, böyük mühəndis, şöbə müdiri, direktor iqtisadi məsələləri üzrə müavini vəzifələrində işləyib.
1993-1998-ci illərdə Sənaye İnvestisiya Bankının ixtisaslaşmış tikinti filialının müdiri vəzifəsində işləyib. 1998-2001-ci illərdə Azərbaycan İqtisadçılar İttifaqında pul-dövriyyəsi və kredit sektorunun müdiri işləyib.

2001-2006-cı illərdə Odlar Yurdu Universitetntində “Maliyyə” kafedrasının müdiri vəzifəsində içalışıb.
2006-2009-cu illərdə Elmi-Tədqiqat Kənd Təsərrüfatının iqtisadiyyatı və təşkili  İnstitutunda baş elmi işçi, EA-nın iqtisadiyyat institutunda baş elmi işləyib.

2011-ci ildən İqtisad Universitetinin “Bank işi” (indiki “Maliyyə və maliyyə institutları”) kafedrasının professoru olub. 
2018-ci ilə kimi Maliyyə və mühasibatlıq fakültəsinin dekan müavini vəzifəsində çalışıb.
Hazırda UNEC-in “Maliyyə və audit” kafedrasının professorudur.

Ailəlidir, üç övladı var.